Përplasi me makinë çiftin Konomi dhe foshnjën e tyre në karrocë, burg për Ajas Sulejmanin

Gjykata e Tiranës ka caktuar ‘masën e sigurisë’ arrest me burg për Ajas Sulejmanin.

Ky i fundit është 39-vjeçari që përplasi me makinë G-Class te vijat e bardha çiftin Vilma dhe Arjan Konomi dhe foshnjen e tyre 3 muajshe.
Ndërkohë gjatë seancës, Sulejmai i cili u kap dy orë më vonë pas aksidentit në një spital privat, ka deklaruar se atë ditë nuk i kanë funksionuar frenat në momentin që semafori kaloi në të kuqe, ndërsa ka shtuar se ka qenë me shpejtësi 40 km/orë dhe jo nën efektin e lëndëve narkotike.

Ndërkohë ndaj Ajas Sulejmanit rëndojnë akuzat për shkelje të rregullave të qarkullimit, drejtim mjeti në mënyrë të parregullt dhe largim nga vendi i aksidentit.