“Nga i vjen gjithë kjo krenari?” Ilir Demalia revoltohet me patriotët shqiptarë

Analisti Ilir Demalia ka deklaruar se nuk ka një popull tjetër ku politikanë, gazetarë, shkrimtarë, poetë, piktorë, e përdorin fjalën krenari vend e pa vend si shqiptarët.

Sipas tij, ata thonë “Jam krenar” , por Shqipëria është një nga shtetet më të varfra dhe më të korruptuara të Evropës.

REAGIMI I PLOTE

Jam krenar! Nuk ka një popull ku: politikanë, gazetarë, shkrimtarë, poetë, piktorë, një popull i tërë të përdorë fjalën krenari vend pa vend si shqiptarët: Jam kreanar!(?!) Por për cfarë? Vendi më i varfër në Europë! Më i korruptuar dhe inkriminuar! Vendi më i pazhvilluar! Nje vend që njerëzia duan të ikin nga sytë këmbët! Nga i vjen gjithë kjo krenari?! Si në çdo gjë nuk kemi gjykim realist vlerash, por vetëm pompim injorance folklorike dhe mburravecjesh klanore tipare të një shoqërie parashtetërore. Shqiptarët po nuk ballafaquan me realitetin dhe të ngrenë sistem dhe raport vlerash dhe morali shoqëror, do të sillen dhe zhyten dhe më thellë në kënetën e mburravecjes pa sens dhe imoralitetit shoqëror.

Ja si shkruan Vigani Veriut At Fishta:

Pse po lodhesh për fis t’shqiptarve?

Si me lâ kryet e gomarve!

N’hatlla të truve ke kaptina

Nga i dërras mangut t’gjithë e kina.

Du me thanë kem Zi urtije

Po nuk ban kurr hajr Shqypnia

N’se padija dhe krenija

Do shkojnë ngjit si trupi e hija!