“Ndotje akustike dhe pullëkuqëzime pamore” Performanca e Ronela Hajatit irriton mjekun Tritan Kalo: Shumë e trishtë për të gjithë ne

Këngëtarja Ronela Hajati që përfaqësoi Shqipërinë në “Eurovizion 2022”  nuk arriti të kualifikohej në natën finale.

Spektakli po mbahet në Torino të Italisë.

Artistja ia doli të rrëmbente vëmendjen e të gjithëve me performancën e saj.

Por skualifikimi i Shqipërisë solli një mori komentesh negative në profilin zyrtar të Eurovisionit. Të zhgënjyer, fansat nga e gjithë bota kanë shprehur se kjo ishte një padrejtësi.

Mirëpo përveç komenteve përkrahëse për Ronelën dhe kundër vendimit të Eurovisionit ka pasur dhe personazhe të cilët mendojnë se vendimi i tyre ka qenë i drejtë pasi artistja nuk ka pasur një këngë të përshtatshme apo një performancë të denjë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ditën e sotme mjeku infeksionist Tritan Kalo ka reaguar nëpërmjet një postimi në Facebook ku ka shprehur pakënaqësitë e tij në lidhje me kuptimin e këngës dhe performancën në festival.

Sipas Kalos kjo gjë ishte një degradim në jetën artistike pasi përvec pasthirrmave ishin dhe gjestikulacionet erotike të kërcimit. Ai ka shtuar se kjo gjë ka sjellë dëmtimin e gjithçkaje, si në politikë, rinisë, muzikës apo dijëmarrjes.

Kalo ka shprehur keqardhje për të gjithë vendin dhe e cilësoi si një gjë inkurajuese për braktisjen e të rinjve nga Shqipëria.

“11.05.2022…MIRMËNGJES E DITË TË MBARË MIQ, TË AFËRM, DASHAMIRËS E BASHKËATDHETARË….A MUNDET NDOKUSH TË MË SQAROJË, SE ÇFARË “SEKRETI” FSHEHU NË EUROVIZION KËNGËTARJA RONELA HAJATI….DEGRADIMI I SHUMSHKAJE NË JETËN TONË ARTISTIKE KULMOJ MBRËMË ME KËTË PËRFAQSIM, KU PËRPOS PASTHIRMAVE ISHIN EDHE GJESTIKULACIONET EROTIKE TË KËRCIMIT, ATO QË KRIJONIN JO PAK “NDOTJE AKUSTIKE” DHE “PULLËKUQËZIME PAMORE”…. DRITËRO AGOLLI I MADH, THELBIN E DEGRADIMIN E SHUMPLANSHËM TË SHOQËRISË SONË DEMON-KRATIKE, E GJENTE TË ZËVËNDËSIMI I MERITOKRACISË ME SHKËRDHATOKRACINË….”KANABIZIM” I GJITHSHKAJE: I POLITIKËS, I EKONOMISË, I RINISË, I MUZIKËS, I DIJEDHËNIES DHE I DIJEMARRJES, I MJAFT EMISIONEVE TELEVIZIVE DHE MBI TË GJITHA ERRËSIMI TYMOR KANABISOR I VETË ARDHMËRISË SONË…. SHUMË E TRISTË PËR TË GJITHË NE, DHE SHUMË INKURAJUESE PËR BRAKTISJEN E VËNDIT DREJT THEJQAFJES EMIGRATORE SIDOMOS NGA TË RINJTË…. QUO VADIS SHQIPËRIA IME E KËNDEJ DRINIT!!!”, shkroi ai.