LIGJET E BIZNESIT
Në mbledhjen e sotme të Kuvendit u diskutua edhe raporti vjetor i Autoritetit të Konkurrencës.
Gjatë fjalës së tij, deputeti i Partisë Socialiste Erion Braçe tha se ekzistenca e Bordeve tregon mungesën e Konkurrencës dhe abuzimet që bëhen më treg.
“Ti ndajmë gjërat, çfarë është e qeverisë është e qeverisë. Konkurrenca duhet të ketë impaktin e saj te mallrat dhe shërbimet. Inflacioni ka problematikat e veta, ndikon dhe konkurrenca. Në muajin prill ndryshimi indeksit arriti në 6%, po ka një ngadalësim të normës së inflacionit. Rritja vjetore është ndikuar nga çmimet dhe pijet jo alkoolike. Brenda grupit të ushqimeve, çmimet e nëngrupit u rritën me 24.9%, pasuar me drithërat, vaj e vezë, ëmbëlsira. Pjesa më e madhe e prodhuar në vend, janë çmimet e pandemisë. Padiskutim se këto janë dhe çmimet nga importet.
Energjia, nafta, gazi dhe të lëndëve të para, ato më të domosdoshmet, në bujqësi, me efekt të gjerë mbi prodhimin. Konkurrenca është një e mirë publike, nuk lind dot vetvetiu, sic lind era apo shiu. Varet nga liria, nga aksesi në treg, nga fuqi ekonomike, nga favoret. Çmimet e tilla kanë brenda dhe mungesën e konkurrencës. Unë besoj te zgjimi i instiktit të majmunit, e bën njëri e pastaj të gjithë, rritjen e çmimit. Jo janë marrëveshje në vite. Orizin 95% të tregut e kanë 4 kompani, perimet e freskëta… Në krahasim me 2021, janë ulur importet me 75%, ku është efekti i luftës këtu? Importet në mars të 2021 janë rieksportuar, nuk janë ulur çmimet këtu.
Dua t’ju them, tregjet te ne kryesore janë të meta, nuk ndryshon asgjë. Tregu i naftës sot ka 4 operatorë kryesore, njëri iku. Krijoni mundësi për hyrje të reja në treg. Duhet ndaluar abuzimi, ndani mendjen ose me tregtarët ose me fshatarët.”, tha Braçe.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
