LIGJET E BIZNESIT
Pas një stabiliteti të shkurtër të krijuar me çmimin e naftës në Kosovë, pati sërish lëvizje në treg. Në pjesën më të madhe të pikave të shitjes me pakicë një litër naftë shitet për 1 euro e 73 cent.
Në fillim të javës çmimi shkonte më së larti në 1 euro e 64 cent për litër. Mirëpo, çmimi ndryshoi brenda javës, të enjten në mbrëmje çmimi u rrit për katër centë duke shkuar në 1 euro e 70 cent ndërkohë që ditën e premte, arriti në 1 euro e 73 cent për litër, çmim me të cilin po shitet edhe të shtunën, sot.
Por jo të gjitha pikat e shitjes me pakicë kanë rritur çmimin e tyre brenda ditës. Në disa prej tyre, ditën e shtunë një litër naftë kushton 1 euro e 68 centë e në të tjera 1 euro e 71 cent.
Nga të dhënat e Agjencisë së Statistikave të Kosovës, mësohet se çmimi i naftës në pjesën e dytë të muajit prill ishte 1.58 për litër, dhe rritja filloi në muajin maj, ku një litër naftë shitej për më shumë se 1.60, çmim ky që ndryshoi çdo ditë.
Për momentin, çmimi i naftës në tregun ndërkombëtar ka pasur rritje për 1.5% e një fuqi naftë shitet për 112 dollarë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
