Ishte në pritje për t’u bërë baba, futbollisti pëson atak kardiak në mes të lojës, ndërron jetë

Mediat e huaja konfirmojnë se kapiteni i Quingentole, Dimitri Roveri ka ndërruar jetë në moshën 28-vjeçare,pasi pësoi atak kardiak gjatë ndeshjes.

Mësohet se ngjarja e rëndë ka ndodhur në sy të familjarëve të djalit. Në Casalpoglio ishin nëna e Dimitrit, babai i tij Angelo, një ish-lojtar i Serisë A dhe motra e tij Nicol, presidente e ekipit, të cilët nxituan menjëherë në fushë për t’i bërë të vëllait një masazh në zemër, përpara se të vinin mjekët.

Dimitri, i cili jetonte në Quingentole, njoftoi të dielën e kaluar miqve dhe familjes se do të bëhej baba i një djali. Ai ishte i fejuar me Sarën dhe punonte në RSA të Schivenoglia ku kujdesej për kopshtarinë si dhe pastrimin e hapësirave të strukturës.

Dimitri, tifoz i Milanit, duhet të kishte shkuar të hënën në Verona për të parë ndeshjen ndaj Hellas, një ndeshje vendimtare për fatet e kampionatit.

Ai ishte po aahtu tifoz i madh i basketbollit dhe i fiksuar pas veshjeve Armani. Mesazhe të shumta ngushëllimi që kanë nisur shpërndarjen në rrjetet sociale për një vdekje të pamundur të pranohet që në një moment e ka shndërruar një ditë feste dhe një botë të vogël plot gëzim e lumturi në një tragjedi që nuk mund t’i jepet një përgjigje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern