Habit fotografja shqiptare: Punoja me orë të tëra për Era Istrefin por nuk më paguante

Të punosh me VIP-at shqiptarë mendohet se është fat pasi duke marrë parasysh suksesin e tyre, thuhet se paguajnë shumë. Mirëpo Lena Nikolaj, një shqiptare që po korr sukses në USA përmes fotografisë, ka treguar se kjo nuk është e vërtetë. Përmes një interviste për mediat, Lena rrëfeu se ka punuar me këngëtaren e njohur, Era Istrefi, teksa thekson se nuk e ka paguar mirë.

“Është pak për të qeshur në fakt. Unë kam lindur në Michigan dhe flisja në shqip, gegnisht. Por u futa në kurset e anglishtes dhe e harrova. Në moshën 24-vjeçare fillova të dilja me një djalë shqiptar dhe nisa të mësoja gjuhën shqipe, por nuk ja dola. Unë kam punuar me Era Istrefin, punoja me orë të gjata dhe pagesa nuk ishte shumë e mirë. Edhe aty ndalova dhe thash që kjo është diçka shumë e mirë dhe që mund ta eksplorojë më tej. Kur isha në Bali e kuptova më shumë. Unë udhëtoj vetëm dhe kam qenë në shumë vende që kam bërë foto si Italia, Shqipëria, Sllovenia, që nuk e dija që mund të ishte aq e bukur. Kam qenë në shumë shtete dhe fotot kanë dal shumë të bukur. Në Bali do të rikthehesha se më pëlqen shumë, në Itali po ashtu”, u shpreh ajo.