LIGJET E BIZNESIT
Një valë e të nxehtit duket se ka përfshirë veriun e Indisë, me temperatura deri 49.2 gradë Celsius në kryeqytetin Delhi.
Banorët e Indisë po përballen me valën e pestë të të nxehtit që prej muajit mars.
Zyrtarët u kanë kërkuar banorëve që të marrin masat paraprake, pasi temperaturat mund të rriten edhe më tej.
Ata kanë paralajmëruar se i nxehti mund të shkaktojë probleme të theksuara shëndetësore për ata që janë më të cenueshëm, përfshirë foshnjat, të moshuarit dhe njerëzit me probleme kronike.
Më herët gjatë muajit maj, kryeministri indian, Narendra Modi, u ka kërkuar ministrave që të bëjnë plane për të zvogëluar ndikimin e të nxehtit të madh, pasi temperaturat janë rritur më shpejt se zakonisht.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndonëse temperaturat e larta janë të zakonshme në Indi, sidomos në muajt maj dhe qershor, vera ka nisur më herët këtë vit, pasi vala e parë e të nxehtit është raportuar në muajin mars.
Temperatura mesatare për një muaj ka qenë më e larta në 122 vjet.
Qendra për Shkencë dhe Ambient, një institut që merret me këto çështje, ka deklaruar se valët e të nxehtit këtë vit kanë prekur 15 rajone, përfshirë Himaçal Pradesh, i cili njihet për temperaturat e këndshme.
