Drenovë/ I burgosuri helmon veten dhe përfundon në spital, por ja çfarë ndodh në fund

Një i burgosur në institucionin e vuajtjes së dënimit në Drenovë ka përfunduar në spitalin e Korçës.

Mësohet se ai konsumoi një sasi të madhe ilaçesh, duke i bërë autoritetet të mendojnë se donte të vetëflijohej.

I riu, ende i paidentifikuar është dërguar në spitalin e Korçës ku ka marrë ndihmën e nevojshme mjekësore.

Por, pasi është kuruar, ai ka përfituar nga mungesa e mjekëve në dhomë dhe ka vjedhur një bisturi. Mjeti prerës i është zbuluar gjatë kontrollit nga ana e policisë së burgjeve. Pikërisht ky veprim ka nxjerrë në pah se konsumimi i ilaçeve dhe shtrimi në spital ka qenë i qëllimshëm nga ana e të burgosurit, që siç duket synonte të fuste në qeli një mjet prerës. Arsyeja nuk dihet ende.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern