Një aksident tragjik është shënuar pak minuta më parë në superstradën Lezhë-Shkodër, në afërsi të Dajçit. Drejtuesja e një mjeti teksa udhëtonte ka humbur kontrollim, duke shkaktuar aksident.
Nga përplasja është lënduar shoferja 20-vjeçare dhe 3 pasagjer, teksa fatkeqësisht ka ndërruar jetë një i moshuar që udhëtonte bashkë me ta.
Lezhë / Informacion paraprak
Rreth orës 20:00, në aksin rrugor Shkodër – Lezhë, në vendin e quajtur “Dajç”, shtetasja F.B. 20 vjeçe, banuese në Shkodër, duke drejtuar automjetin tip “Renault”, ka humbur kontrollin mbi drejtimin e tij duke dalë nga rruga.
Për pasojë, ka ndërruar jetë shtetasi I.K. 73 vjeç, pasagjer në mjet, si dhe janë lënduar dhe ndodhen në Spitalin Rajonal Lezhë për mjekim edhe 3 pasagjerët e tjerë, shtetasit A.B. 53 vjeç, A.B. 43 vjeçe dhe O.B.19 vjeçe.
