LIGJET E BIZNESIT
Kryeministri britanik konservator Boris Johnson ka urdhëruar ministrat e tij të shkurtojnë 91,000 vendet e punës në sektorin publik gjatë dy viteve të ardhshme për tu bërë e mundur ulja e miliarda paund taksash, sipas një artikulli në Daily Mail.
Johnson, gjatë një takimi të kabinetit mbi “kostot e jetesës” në Midlands të mërkurën, bëri thirrje që të dyfishohen përpjekjet për të lehtësuar familjet që luftojnë për të përballuar jetesën.
Ai u dha ministrave të tij një muaj për të hartuar planin për të zvogëluar madhësinë e fuqisë punëtore në administratën publike me pothuajse një të pestën, gjë që do të kursente 5 3.5 miliardë paund në vit nga arka e shtetit,sipas Daily Mail.
Ai shpjegoi se “çdo paund që qeveria merr nga taksapaguesi është para që ai mund të shpenzojë për prioritetet e tij, për jetën e tij” , sipas artikullit.
Kryeministri britanik tha gjithashtu se donte që më shumë punëtorë të kthehen në punë, sipas Mail.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Do të ketë shumë që nuk do të pajtohen me mua, por unë besoj se njerëzit janë më produktivë, më energjikë, kanë më shumë ide kur kanë njerëz të tjerë përreth”, argumentoi ai.
Dave Penman , sekretari i përgjithshëm i FDA, një sindikatë që përfaqëson punonjësit e sektorit publik, shkroi në Twitter se “nëse ata nuk kanë një plan serioz, kjo është ose thjesht një përpjekje për të marrë vëmendje mediatike, ose një politikë e rrezikshme.
