170 qytetarë ukrainas evakuohen nga Mariupol në Zaporizhzhia

Komiteti Ndërkombëtar për Kryqin e Kuq ka bërë me dije ditën e sotme se më shumë se 170 civilë nga Mariupol kanë mbërritur në qytetin e kontrolluar ukrainas të Zaporizhzhia.

Me anë të një postimi në Twitter mbrëmjen e sotme, KNKK tha se pas javësh të jetesës kryesisht nën tokë, mbi 170 civilë nga Azovstal [uzina e çelikut] dhe zona e Mariupolit kanë mbërritur në Zaporizhzhia

“Ky është operacioni i tretë i kalimit të sigurt që kemi koordinuar, Jemi thellësisht të lehtësuar që mund të ndihmojmë më shumë civilë të shkojnë në një vend më të sigurt.”- thuhet në njoftim.