Zhdukja e kryesekretares së Gjykatës/ Zbardhen dyshimet e forta, ja çfarë po ndodh prej disa orësh me të shoqin

Dalin detaje të reja në lidhje me largimin nga banesa të kryesekretarës së Gjykatës së Lezhës, Klaudia Marku.

Mësohet se prej disa orësh bashkëshorti i saj Oltion Marku, me detyrë oficer te Drejtoria e Kufirit dhe Migracionit, po mbahet i shoqëruar në komisariatin e qytetit verior.

Ai ka bërë sot denoncimin se bashkëshortja e tij, Klaudia Marku është larguar nga banesa prej pasdites së djeshme, por oficerët e policisë po e marrin në pyetje, pasi dyshohet se shkak për largimin e saj nga banesa është bërë pikërisht konflikti familjar.