Zgjedhjet për president/ Analisti propozon Bleona Qeretin ose Era Istrefin

Në mediat shqiptare vijojnë të qarkullojnë emrat e shumtë që do të zëvendësojnë Ilir Metën, mandati i të cilit mbaron në muajin korrik të këtij viti dhe nuk do të ketë një mandat tjetër.

Në të njëjtën kohë gara është bërë edhe qesharake  pasi janë shfaqur dhe personazhe që po vetëshpallen si kandidatura të duhura për të marrë postin në Presidencë.

Për ta shtuar paksa dozën e humorit, gazetari  i njohur Milaim Zeka ka propozuar dy emra surprizë. “Unë do të propozoja Era Istrefin ose Bleona Qerretin për Presidente. Mendoj që kësaj radhe duhet të jetë një grua Presidente”, u shpreh Zeka për Top Channel.

Sakaq, një kandidat i vetëofruar për president është po ashtu dhe ambientalisti Sazan Guri.