Kreu i grupit parlamentar të PS Taulant Balla ka folur rreth procesit të zgjedhjes së presidentit të ri.
Ai u shpreh se nuk do të bëhet pjesë e telenoelave mediatike, duke mos zbuluar asnjë emër favorit të ndonjë kandidati të mundshëm.
Kemi emra konkret për Presidentin e ri?
“Në kohën e duhur unë do tu jap një informacion për emrat, në këtë fazë po përcaktojmë profilin e presidentit të ri. Do të ishte në respekt që mos jetë thashethemesh dhe baltë dhe intrige mediatike. Në media kam parë lloj-lloj emri që qarkullon pa drejtësisht. Nuk duam të bëhemi objekt skenari të kësaj telenovele. Ne nuk jemi në fazën për të nxjerrë emra, do të jetë një moment tjetër kur të biem dakord me profilin e presidentit do të diskutojmë më pas edhe emrin. Dua që me opozitën që 3 përfaqësues të PS-së jemi gati të ulemi në cdo moment në një tryezë të përbashkët.
“Presidenti i ri do të personifikojë unitetin e popullit. Koha në dispozicion deri të mërkurën tjetër kur do të zhvillohet konferenca do të kenë kohë palët për të studiuar profilin e presidentit të ri. Po vazhdojnë mbërritja e propozimeve dhe ditët në vijim do tu njoftojmë për funksionin e këtij procesi. Shtyhet takimi me shoqërinë civile për javës tjetër, do të jemi bashkë me 3 kryetarët e grupeve parlamentare të opozitës: Doda, Mediu dhe Alibeaj.
Sa kohë do ta prisni PD? Afatet këtu i ka vendosur kushtetuta që përcakton zhvilli i raundit të parë rreth 10 majit është datë e pranueshme nga të gjitha palët. Ky është fat i mjaftueshëm nga secila prej palëve ka pasur kohën e nevojshme për të diskutuar për këtë cështje.
A është një proces i mirëfilltë apo farsë? – Presidenti zgjidhet sipas kushtetutës, ajo ka përcaktuar se presidenti i opozitës e zgjedh Kuvendi me 3 raundet e para jo më pak se 84 vota dhe presidenti përcaktohet jo më pak se 20 deputetë. Kushtetuta ka përcaktuar që deputetët janë përfaqësues të popullit, dhe grupi parlamentar i PS do të vazhdojë të marrë propozime konkrete edhe për vendimmarrje të tjera. Dua të sqaroj opinionin publik se emrat e propozimeve me email po administrohen me kujdes dhe do të bëhet një listë për të diskutuar me opozitën. Gjithë ata emra do të negociojnë me opozitën. Do të kemi short-listën përkatëse nga propozimet e opozitës dhe nga shoqëria civile. Cili është natyra edhe profili i presidentit të ri, shumica e shqiptarëve duan një president pa dallime politike por unitet të popullit”, u shpreh Balla.
