Vinçi në Portin e Durrësit vr au punëtorin 19-vjeçar, nëna e të riut: Asnjë nga kompania nuk erdhi në shtëpi

Në datën 15 prill në Portin e Durrësit, ndërroi jetë në mënyrë makabre Rufan Belshaku, 19-vjeç.

Ai po punonte në këtë port, teksa u mor zvarrë nga një vinç. Sakaq sot, disa ditë pas ngjarjes familjarët e tij hedhin akuza të forta në lidhje me tragjedinë dhe mënyrën se si është fshehur e vërteta. Në një intervistë për Fax News, nëna e të riut, Etleva Belshaku ka dhënë detaje mbi ngjarjen e rëndë, Ajo shprehet se asnjë nga kompania nuk u ka shkuar në shtëpi për ngjarjen, teksa tregon se është sorollatur në spital.

Nëna e Rufan Belshaku:

Djali im Rufan Belshaku ishte i liçensuar dhe punonte në portin e Durrësit. Kishte 5 muaj që kishte filluar punën. Paraditen ditës së premte dt 15 prill 2022 orën 10.00 kam folur me djalin ishte në punë. E merrte punën në orë 7.00 të mëngjesit dhe punonte deri në orën 4-5 mbasdite. Telefonata për njoftim më ka ardhur nga polici i zonës. Me iniciale R.G.kishin gabuar emrin. Më pas djali vogël më thotë lajmin që është vëllai vet personi që kishte ndërruar jetë pra djali im.

U nisa direkt në Durrës, asnjë person nuk na priti, nuk na shoqëroi askush, diku në cep të spitalit pashë rrobat djalit. Vija vërdallë nëpër spital askush nuk më thoshte që të diçka të më drejtonin të më tregonin çfar të bëja ku të shkoja.

Por iu drejtova rojeve policore spitalit nëse dinte diçka, ai uli kokën me tregoi morgun.Kam kërkuar në koridoret e spitalit nuk përgjigjej askush. Pastaj shkova drejt morgut kur pashë djalin fashuar komplet. Dhe sdi çfarë më gjeti në atë moment humba ndjenjat.

Isha totalisht e dërmuar nga ajo që pashë, jam nënë dhe kush është nënë e kupton dhimbjen. Unë kërkoj të di çfarë i ndodhi djalit tim përse nuk më erdhi askush nga kompania ku djali punonte të më njoftonte përse u tregua neglizhente dhe nuk më erdhi njeri të më takonin.

Por më tha diçka në telefon. E dua të zbardhur me detaje si ndodhi aksidenti i djalit tim .zdi ku u vra si u vra a ka vendngjarje. A ka ndonji hetim dua të di të vërtetën për humbjen e djalit tim. Ishte në lulen e rinisë sapo mbushi 20 tat. Nuk kishte një njeri kjo kompani të vinte të më takonte. Kërkoj zbardhjen e ngjarjes kam të drejtën si nënë të di të vërtetën.

Ju lutem sot ishte djali im nesër mund të jet një tjetër. Jam e traumatizuar. Djali ka mbaruar elektriçist mori liçensën mbaroi kursin për skrepist. Ishte me suguracion, kompania e kishte punësuar faleminderit për gjithshka por dua të di të vërtetën si ndodhi aksidenti kur dy orë më parë unë kisha folur me djalin.

Unë nuk kam marë asnjë nga sendet personale të djalit, ju lutem mi sillni gjitha çkishte djali me vete.Nuk dua të fyej kompanin por dua të di çfarë ndodhi me djalin.Pesë ditë sot askush nuk ka ardhur të në thojë një fjalë nga kompania ku punonte djali. Më është shëmbur bota ju lutem më ndihmoni…