Presidenti i Rusisë Vladimir Putin e përgëzoi presidentin francez Emmanuel Macron për rizgjedhjen e tij si President i Francës.
“Sinqerisht ju uroj suksese në aktivitetet tuaja shtetërore, si dhe shëndet të mirë dhe mirëqenie”, e ka uruar Putin Macronin, sipas një deklarate nga Kremlini.
Macron fitoi kundrejt Marine Le Pen me një diferencë të konsiderueshme votash, duke u bërë kështu presidenti i parë francez pas 20 vitesh që rizgjidhet nga qytetarët për të drejtuar shtetin.
Përmendim që Emmanuel Macron ishte një nga liderët e paktë perëndimorë që kontaktoi Putinin që kur Moska zhvendosi trupat në Ukrainë, duke kaluar orë të tëra në telefonata duke u përpjekur për të negociuar një zgjidhje të konfliktit.
Mirëpo, ndërkohë që i mban të hapura kanalet e saj diplomatike në Moskë, Franca nën drejtimin e Macron i është bashkuar breshërisë së sanksioneve ndërkombëtare ndaj Rusisë të vendosura gjatë fushatës ushtarake.
Macron siguroi fitoren ndaj Le Pen në një raund të dytë votimi gjatë fundjavës.
