U përplas nga “Benzi”/ Këmbësori ndërron jetë në spitalin e Korçës, drejtuesi i mjetit shoqërohet në polici

Një aksident i rëndë ka ndodhur sot paradite në aksin rrugor  Korçë-Pogradec.

Mësohet se në afërsi të kryqëzimit të fshatit Drithas, Maliq, një automjet tip “Benz” ka përplasur një këmbësor, i cili ka  ndërruar jetë në spitalin e Korçës. Ndërkohë shoferi i automjetit është shoqëruar nga policia.

“Më datë 24.04.2022, rreth orës 11:00, jemi njoftuar se në aksin rrugor Korçë-Pogradec, në afërsi të kryqëzimit të fshatit Drithas, Maliq, shtetasi L. T., banues në fshatin Rëmbec, Maliq, duke drejtuar mjetin tip “Benz” ka aksidentuar këmbësorin K. H., banues në Rëmbec, i cili u transportua për mjekim në Spitalin e Korçës, ku ka ndërruar jetë.

Drejtuesi i mjetit L. T., u shoqërua në Komisariat për veprime të mëtejshme. Grupi hetimor po punon për sqarimin e rrethanave dhe përcaktimin e shkakut të aksidentit”, njofton policia.