LIGJET E BIZNESIT
Biznesmeni i njohur italian Francesco Bechetti, i dënuar me 17 vite burg për mashtrim ka ankimuar vendimin e Shkallës së Parë duke kërkuar kështu pafajësinë.
Mësohet se ankimin e kanë dorëzuar edhe të pandehurit e tjerë.
Çështja pritet që të regjistrohet në Gjykatën e Apelit, ku ndodhen edhe 2 dosje të tjera të Beçhetit, të viteve 2018 dhe 2020 në pritje për shqyrtim.
Sakaq, kujtojmë se në shkurt të këtij viti Gjykata ka dënuar me 17 vite burg biznesmenin italian, pasi trupa gjyqësore ka vërtetuar se ai kishte ngritur një skemë të mashtrimit me TVSH si dhe pastrim parash.
Bechetti u akuzua për katër vepra penale “Vjedhje duke shpërdoruar detyrën”, “Pastrimi i produkteve të veprës penale ose veprimtarisë kriminale”, “Falsifikim Dokumentesh”, “Krijimi i skemave mashtruese lidhur me tatimin mbi vlerën e shtuar”.
