Gjatë mbrëmjes së djeshme, Bosnia Hercegovina u trondit nga një lëkundje e fuqishme tërmeti, 5.7 ballë që la pas shkatërrime të Teatrit Kombëtar në Mostar, dëmtime në banesat e qytetarëve 2 të plagosur dhe një viktimë. Lëkundjet ishin të fuqishme saqë prekën edhe Ballkanin, Bosnjen, Malin e Zi, Kosovën dhe në vendet e tjera të rajonit. ndërsa u ndje edhe në Shqipëri.
Ndërkohë sipas klix.ba, viktima e mbrëmjes së djeshme është Elmira Sefo nga Stolaci, teksa të plagosur lehtë janë prindërit e saj. Tërmeti 5.7 ballë i shkallës rihter ka bërë që tavani të shembej dhe të plagoste 28-vjeçaren dhe prindërit e saj. Këta të fundit kanë marrë plagë të lehta, ndërsa vajza e tyre, Elmira Sefo ndërroi jetë në spital.
Sipas dëshmive të banorëve të zonës, Elmira jetonte me prindërit e saj në shtëpinë e familjes në vendbanimin Kukavac, të cilët mbetën të plagosur lehtë. Ambulanca e transportoi Elmirin në spitalin e Mostarit, ku mjekët bënë të pamundurën, por plagët e rënda e kishin prekur rëndë në kokë.
