Tërmet i fuqishëm në shtetin fqinj, ja ku ishte epiqendra

Një lëkundje sizmike me magnitudë 4.7 ballë të shkallës Rihter, është regjistruar sot në brigjet e ishullit të Kretës në Greqi.

Nga të dhënat e Institutit Gjeodinamik të Observatorit Kombëtar të Athinës, bëhet me dije se tërmeti është ndjerë edhe në Heraklion, Chania, Rethymnon. Lëkundjet janë ndjerë në pjesën jugore dhe veriore të ishullit.

Epiqendra e tërmetit ndodhet 43 kilometra në jug-jugperëndim të porteve të Heraklionit. Sakaq, thellësia e tërmetit vlerësohet të ketë qenë 19.5 km.

Sipas qendrës Sizmologjike Euro-Mesdhetare (EMSC), tërmeti ka qenë me magnitudë 4.5 ballë të shkallës Rihter.