LIGJET E BIZNESIT
Shkencëtarët kanë vërejtur një planet rreth nëntë herë më të madh se masa e Jupiterit në një fazë jashtëzakonisht të hershme të formimit, duke e përshkruar atë si ende në “mitër”. Një zbulim i jashtëzakonshëm që sfidon kuptimin aktual të formimit planetar.
Studiuesit përdorën teleskopin Subaru të vendosur pranë majës së një vullkani joaktiv në Havai dhe teleskopin hapësinor Hubble, i cili ndodhet në orbitë për të zbuluar dhe studiuar planetin.
Planeti është një gjigant gazi që rrotullohet jashtëzakonisht larg nga ylli i tij i ri pritës. Gjigantët e gazit janë planetët më të mëdhenj të sistemit tonë diellor.
Tek këta lloj planetësh përfshihen dhe Jupiteri me Saturnin, të cilët janë të përbërë kryesisht nga hidrogjen dhe helium, me gazra rrotullues që rrethojnë një bërthamë më të vogël dhe të ngurtë.
“Ne mendojmë se është ende shumë herët në procesin e tij të ‘lindjes’,” tha astrofizikani Thayne Currie i Teleskopit Subaru dhe Qendrës Kërkimore NASA-Ames, autori kryesor i studimit të botuar të hënën në revistën Nature Astronomy .
“Dëshmitë sugjerojnë se kjo është faza më e hershme e formimit e vërejtur ndonjëherë për një gjigant gazi.”, shtoi ai.panorama
