“Të gënjen mendja se munde Bashën” Berisha refuzon të lirojë foltoren, ‘shpërthen’ Spiropali

Një përplasje ndodhi sot në Kuvend mes drejtueses së seancës Lindita Nikolla dhe ish-kryeministrit Sali Berisha.

Ky i fundit nuk pranonte të lironte foltoren pas përfundimit të minutazhit të tij.

Në debat u përfshi edhe ministrja për Marrëdhëniet me Parlamentin Elisa Spiropali, e cila do të merrte fjalën pas Berishës.

Lindita Nikolla: Vijojmë me seancën, vijojmë, ia kam dhënë fjalën ministres Spiropali.

Vijon flet Sali Berisha (Pa mikrofon)

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Lindita Nikolla: Ju lutem, vijojmë me seancën, të flasë zonja Spiropali.

Elisa Spiropali: Sali tre piramida ke krijuar, por nuk ke për tu ngjitur më në krye të politikës, edhe pupthi të kërcesh, sepse ti doktor, nuk je gjenerali i ushtrisë së vdekur, je gjenerali i atyre që mendojnë se jeni gjallë. Të gënjen mendja se munde Bashën që zgjohet vonë e ikën herët se i vjen prapë ora e gjumit, por jo Partinë Socialiste.