Shuplaka që i kushtoi shtrenjtë! Will Smith pezullohet nga Oscar për 10 vite

Aktori Will Smith është pezulluar për 10 vite nga Oscars, pas shuplakës që i dha kolegut të tij Chris Rock.

“Bordi ka vendosur, për një periudhë 10 vjeçare nga 8 Prilli 2022, z. Smith nuk do të lejohet të marrë pjesë në asnjë ngjarje apo program të Akademisë, personalisht ose virtualisht, duke përfshirë por pa u kufizuar në Çmimet e Akademisë” , sipas Presidentit të Akademisë, David Rubin dhe CEO-s Dawn Hudson.

Vendimi u mor gjatë një takimi të Bordit të Guvernatorëve të mbajtur më herët gjatë ditës në Los Anxhelos.

Takimi, i planifikuar fillimisht për 18 prill, u përshpejtua pasi Smith njoftoi dorëheqjen nga nga akademia javën e kaluar.

“Oscar-i i 94-të duhej të ishte një festë e shumë individëve në komunitetin tonë që bënë punë të jashtëzakonshme vitin e kaluar; megjithatë, ato momente u errësuan nga sjellja e papranueshme dhe e dëmshme që pamë nga z. Smith në skenë. “

“Gjatë transmetimit tonë televiziv, ne nuk e trajtuam në mënyrë adekuate situatën. Për këtë, na vjen keq. Kjo ishte një mundësi për ne që të japim shembull për mysafirët tanë, shikuesit dhe familjen tonë të Akademisë në mbarë botën, dhe ne dështuam të papërgatitur për ngjarjen të paprecedentë.”

Dorëheqja e Smith do të thotë se ai nuk është më pjesë e trupit të votimit të Akademisë, por kjo nuk e pengon fituesin e Oskarit të nominohet në të ardhmen.