Shuplaka në “Oscars”, flet nëna e Chris Rock: Kur ai goditi djalin tim, na goditi të gjithëve

Pas incidentit në të cilin u përfshi i biri në ceremoninë e 94-të të Academy Awards, nëna e aktorit Chris Rock, Rose Rock ka reaguar për herë të parë.

Ajo tha se fillimisht mendoi se incidenti ishte inskenuar ndërsa e shikonte atë gjatë transmetimit nga shtëpia e saj.

“Kur ai goditi Chris, ai na goditi të gjithëve. Ai me të vërtetë më goditi mua. Sepse kur lëndon fëmijën tim, më lëndon mua. Askush nuk e dëgjoi fjalimin e tij. Askush nuk ishte në gjendje të ishte i vëmendshëm në këtë moment, sepse të gjithë ishin ulur aty si, “Çfarë ndodhi?”, tha ajo.