Shqiptarët, të dytët në Europë për konsumin e perimeve

Shqipëria është vendi i dytë në Europë për konsumin e perimeve, referuar një studimi të kryer nga Organizata e Kombeve të Bashkuara për Ushqimin dhe Bujqësinë (FAO).

Vendin e parë në listë e kryeson Kroacia, që konsumon plot 302 kilogram perime për frymë në vit.

Edhe Shqipëria po ashtu nuk mbetet shumë pas, por renditet e dyta me një konsum prej 298 kilogram perime për frymë në një vit. Vendin e tretë e mban Maqedonia e Veriut.

Ajo që bie në sy është konsumimi i lartë i perimeve në Ballkan, Europën Lindore, Turqi si dhe më së pakti në shtete të zhvilluara si Franca, Spanja, Gjermania apo Norvegjia e Suedia.