Në kampionatin botëror që po zhvillohet në Baku, gjimnasti rus Metvei Petrov që përfaqëson Shqipërinë, ka fituar medaljen e argjendtë në disiplinën e njohur në kalë me doreza.
Rivaliteti ishte tejet i madh, gjithsesi, ai bëri më mirë se Cyril Tommasone, pas një paraqitje brilante. 31 vjeçari grumbulloi jo pak pikë, por 14.466.
Kjo nuk është hera e parë që Petrov mban lart flamurin e Shqipërisë nëpër botë. Diçka të tillë e ka bërë edhe në kompeticione të tjera të rëndësishme. Gjimnasti rus garon prej vitesh me ngjyrat kuqezi, teksa zotëron pasaportë shqiptare.
