Shkodër/ Kush është drejtori i komanduar burgut të Reçit që u arrestua

Arrestohet drejtori i komanduar në burgun e Reçit në Shkodër, Ervis Zika.

Raportohet se Zika u arrestua nga Shërbimi i Kontrollit të Brendshëm të Burgjeve me urdhër të Prokurorisë së Rrethit Gjyqësor Shkodër. Gjykata e Shkodrës ka caktuar masën e sigurisë “arrest me burg” dhe “Pezullimi i ushtrimit të një detyre a shërbimi publik”, ndërsa mbetet e paqartë për çfarë akuzohet Zika.

“U ekzekutua urdhëri i Prokurorisë se Rrethit Gjyqësor Shkodër, në zbatim të vendimit të Gjykatës së Rrethit Gjyqësor Shkodër me Nr.262 datë 25.04.2022, e cila ka vendosur caktimin e masës së sigurimit personal “Arrest me burg“ dhe “Pezullimi i ushtrimit të një detyre a shërbimi publik” parashikuar nga neni 238 dhe 240/a të K.Pr. Penale, ndaj shtetasit Ervis Zika“, thuhet në informacionin paraprak.

Ende nuk ka detaje të tjera rreth këtij arrestimi. Pritet që pas arrestimit të zbardhen edhe detaje të tjera lidhur me akuzat që rëndojnë mbi të.