Shkatërrohet grupi kriminal i drogës në Spanjë, kreu i bandës një shqiptar

Policia e Spanjës shkatërroi dy organizata të trafikut të hashashit nga bregdeti spanjoll drejt Europës.

Gjatë këtij operacioni janë sekuestruar afro 10 ton drogë, janë arrestuar 10 trafikantë dhe 51 të tjerë po hetohen. Një nga organizatat merrej me transportimin e drogës nga Maroku.

Trafikantët ishin vendosur në Spanjë: nga Galicia në Extremadura, si dhe Andaluzia dhe Katalonia. Ata jo vetëm që siguruan varkat, por edhe logjistikën. Në kuadër të operacionit të koduar “Maius” mediat e huaja shkruajnë se në krye të këtij trafiku të hashashit në Katalonja gjatë vitit të kaluar, ishte një shqiptar.

Për këtë operacion të pagëzuar si ‘Maius’, agjentët kanë arrestuar 19 persona në Algeciras dhe Tarragona, ku ndodheshin drejtuesit kryesorë të rrjetit. Ndërkohë me operacionin e dytë “Drift”, Garda Civile ka arrestuar trafikantin më të madh të hashashit në Katalonjë gjatë vitit të kaluar. Bëhet fjalë,  për një shtetas me origjinë shqiptare, me banim në qytetin Viladecans të Barcelonës.

“Rrjeti ishte përgjegjës jo vetëm për futjen e hashashit në Spanjë, mirëpo edhe për dërgimin e tij të mëvonshëm në vende të tjera evropiane, ku 3-fishohej vlera në tregun e zi”

Ata i blenë varkat në Galicia dhe Portugali ku më pas i dërgonin në Katalonja, në një punishte ku anijet përgatiteshin për të transportuar ngarkesën.

Operacioni “Drift”, që përfundoi të martën e kaluar, ka rezultuar me 30 të arrestuar në Alicante, Tarragona, Barcelonë, Murcia dhe Ishujt Balearik ku u sekuestruan mbi 5 mijë ton hashash.