Rusia nisi ofensivën për marrjen e Lindjes, raportohen disa sulme

Rusia ka intensifikuar sulmet ne Lindjen e Ukrainës. Gjatë mbrëmjes janë raportuar disa sulme në qytete të rajoneve lindore

“Është ferr,” tha Sergei Gaidai, guvernatori i rajonit të Luhansk. “Ofensiva sapo ka filluar, ajo për të cilën po flasim prej javësh”, ka shkruar ai në Facebook. Ai tha se luftimet ishin “të vazhdueshme” në qytetet Rubizhne dhe Popasna.

Pak më parë presidenti Zelensky e konfirmoi se mbrëmjen e sotme Rusia kishte shtuar sulmet në këtë rajon.

“Tani mund të konfirmojmë se trupat ruse kanë filluar betejën për Donbasin, të cilën ata e kanë përgatitur për një kohë të gjatë. Një pjesë e madhe e ushtrisë ruse tani i është përkushtuar kësaj ofensive. Ditë të vështira po vijnë”- tha Zelensky.