Rritet sërish çmimi i karburanteve, ja vendimi më i fundit nga Bordi i Transparencës

Bordi i Transparencës ka caktuar sot çmimet e reja  për tregtimin e karburanteve me shumicë dhe pakicë në Shqipëri.

Sipas vendimit më të fundit, një litër naftë do të shitet në pompa me 226 lekë për litër, nga 219 lekë për litër që ishte deri tani.

Çmimi është rritur edhe për benzinën, që do të tregtohet me 209 lekë për litër, nga 205 lekë për litër që ishte deri tani.

Çmimi i gazit ka mbetur i pandryshuar në 115 lekë për litër, niveli më i lartë i regjistruar ndonjëherë në vend.