Vehbi Bushati u emërua në krye të Drejtorisë Vendore të Policisë në Lezhë.
Kjo lëvizje u shoqërua me ndryshime edhe të strukturës drejtuese të bluve.
Mësohet se pak javë pas marrjes së detyrës nga Bushati, janë lëvizur edhe zëvëndës drejtori i Rendit dhe Sigurisë Publike Sadri Ramçaj, shefi i Komisariatit të Lezhës Ermal Ajdini, Shefi i Krimeve në Komisariatin e Policisë Lezhë si dhe Shefi i Stacionit Policor të Shëngjinit.
Bëhet me dije se zëvendës drejtori për Rendin e Sigurinë Publike i policisë vendore është emeruar Alfred Elezi, Shef Komisariati në Lezhë Artur Hebaj si dhe Shef i Stacionit Policor të Shëngjinit është emeruar Ardit Çela.
Ky i fundit më parë ka mbajtur detyren e shefit të seksionit të Hetimit të Krimit Ekonomik në Drejtorinë Vendore të Policisë në Lezhë, ndërsa të tjeret janë prurje të reja.
