LIGJET E BIZNESIT
Real Madrid është pranë kalimit në gjysmëfinalen e Champions League, pasi ka shënuar me Benzema në minutën e gjashtë të shtesës së parë përballë Chelsea.
Uefa Champions League vijon të dhurojë magji. Çerekfinalja e parë mes Chelseat dhe Real Madrid kishte përfunduar 1-3. Sonte, në Londër pati spektakël dhe 90 minutëshi përfundoi 1-3 duke çuar gjithçka në shtesa.
Në ndeshjen tjetër, pas fitores 1-0 në Spanjë, Vilareali i ka marrë një barazim 1-1 Bajern Mynih në ndeshjen e luajtur në Gjermani, duke qenë kështu surpriza e gjysmëfinaleve.
Real Madrid- Chelsea
Zhbllokimi i takimit erdhi që në minutën e 15-të me Mason Mount. Lojtari është mjaft i saktë, duke çuar topin pas shpinës së Courtouis. 5 minuta më pas, Carvalaj ka mundësi të vendosë ekuilibrat, por nuk shfrytëzon siç duhet një top të ardhur për të brenda zonës.
Në të 35-tën, Rudiger tenton të dyfishojë shifrat, por goditja e tij tregon se nuk është një sulmues.
Rudiger realizon sapo fillon e dyta. Blutë e Londrës marrin zemër dhe gjejnë edhe golin e 3-të me Werner (75′). Loss Blancos zgjohen me Rodrigon, në të 80-tën.
Në kohën shtesë, gjashtë minuta pasi kishte nisur e para, madrilenët gjejnë golin me të përhershmin Benzema, duke i çuar shifrat në 2-3.
Bayern- Vilareal
Bayern e mbyll këtu aventurën e Champions League. Gjermanët u mposhtën 1-0 nga Villareal në takimin e parë, ndërsa sonte në Mynih, sfida u mbyll 1-1.
Rasti i parë serioz ndaj ekipit të verdhë erdhi në minutën e 30-të. Ai që do i mohonte golin Musialës do ishte pikërisht portieri Rulli, me një pritje të mrekullueshme. “Gardiani” Rulli do neutralizonte edhe një krosim të Sane (39’), duke bërë të tijin topin në një moment delikat. Goli i ekipit të Nagelsmann do vinte sapo filloi fraksioni i dytë, me Lewandowskin.
Në minutat e mbetura, loja ishte disi e ekuilibruar, me ekipet që patën frikë të dilnin përpara. Goli që dërgoi Bayernin në shtëpi ishte ai i Chukweze, në të 88-tën.
Nata e Champions League duket më e gjatë se kurrë.bw
