“Qëllimet po arrihen” E zbulon Kremlini: Ja kur mund të përfundojë operacioni ushtarak në Ukrainë

Zëdhënësi i Kremlinit Dmitry Peskov ka deklaruar se operacioni ushtarak në Ukrainë mund të përfundojë në atë që quhet si e ardhmja e “parashikueshme”.

Ai shtoi se Rusia po shpreson që operacioni të arrijë qëllimet dhe të përfundojë falë negociatave.

“Rusia shpreson që operacioni të arrijë qëllimet e saj ose të përfundojë falë negociatave, midis delegacioneve ruse dhe ukrainase në ditët e ardhshme”, në të ardhmen e parashikueshme”, tha Peskov.

I pyetur sot nga gazetarët nëse mund të jetë vërtet çështje ditësh, Peskov tha se “Po flasim për të ardhmen e parashikueshme”.

Pyetjes se në çfarë bazohen parashikime të tilla, Peskov tha se “Operacioni vazhdon dhe qëllimet e tij po arrihen”.

“Ushtria jonë po bën një punë të madhe në drejtim të avancimit të operacionit dhe rezultatet po arrihen nga negociatorët që po bisedojnë me kolegët e tyre ukrainas”, tha Peskov.