Pranga aktorit të njohur, akuzohet për biseda intime me një të mitur

Aktori i njohur Joseph Gatt – i cili është shfaqur në episodet e “Game of Thrones” – është arrestuar këtë muaj pasi dyshohet se ka pasur biseda intime në internet me një të mitur në një shtet tjetër.

Policia ka njoftuar sakaq se Departamenti për të mitur nga Grupi Operativ për krimet në internet ndaj fëmijëve, ka lëshuar një urdhër kontrolli për shtëpinë e 50-vjeçarit.

Më pas ai u arrestua me urdhër të prokurorisë.

Në deklaratë thuhet midis të tjerash se policia kishte marrë informacion se Gatt, dyshohet të ishte përfshirë në biseda tepër intime në internet me një të mitur.

Hetuesit janë në kërkim të identifikimit të viktimave të tjera dhe ka kërkuar nga kushdo që ka më shumë informacion ta kontaktojë policinë.

Gatt u lirua me garanci prej 5.000 dollarësh pas disa orësh, ndërsa akuzat i ka quajtur “absolutisht të tmerrshme dhe plotësisht të pavërteta”.