“Po cënon interesat e mia” Prej javësh në burg, Saimir Tahiri kërkon pezullimin e dënimit

Ish-ministri i Brendshëm Saimir Tahiri është dënuar me 3 vite e 4 muaj burg, pasi akuzohet për shpërdorim detyre.

Ndërkohë mësohet se së fundmi ai ka bërë një kërkesë në Gjykatë, për pezullimin e dënimit.

Me anë të avokatit të tij, Tahiri ka kërkuar pezullimin e ekzekutimit të vendimit të GJKKO.

Sipas ish-ministrit, vendimi i Apelit është marrë ne kundershtim me ligjin dhe se kjo vuajte dënimi nuk mund të vijojë. Më tej në kërkesë shkruhet se familja e tij gjendet e ekspozuar ndaj pasojave të mundshme dhe se vendimi cënon rëndë interesat e tij,

Kujtojmë se pak ditë më parë ishte SPAK që iu drejtua me rekurs Gjykatës së Lartë duke kërkuar cilësimin e veprës penale “trafik droge në kuadër të grupit strukturuar kriminal” për ish-ministrin e Brendshëm. Po ashtu SPAK kërkoi nga kjo gjykatë kthimin e dosjes sërish për rigjykim në Apel me një trupë të re gjyqtarësh.