LIGJET E BIZNESIT
Deputeti demokrat Belind Këlliçi ka reaguar për përplasjen mes Sali Berishës dhe Enkelejd Alibeajt në Kuvend, ku ish-kryeministri shtyu me duar dhe më pas largoi nga foltorja kreun e Grupit Parlamentar të PD-së.
Sipas tij, Alibeaj kishte nisur ta provokonte Berishën që në mbledhjen e Grupit Parlamentar të zhvilluar 1 orë para seancës plenare në Kuvend, pasi i ka thëë vazhdimisht ish-kryeministrit se nuk ishte pjesë e Grupit dhe s’duhet të merrte pjesë në mbledhje.
Këlliçi thotë se ALibeaj duhet t’ja linte fjalën Berishës jo vetëm për respekt moshe, por edhe sepse Berisha e ka bërë deputet dhe ministër.
“Një moment i cili pati një lloj shkëndije që në orët e para të mëngjesit, kur patëm mbledhjen e Grupit Parlamentar. Alibeaj provokonte zotin Berisha duke i thënë se nuk je pjesë e Grupit Parlamentar. Ai flet për bashkim gjithë kohës, por çfarë i kushton t’i regjistrojë zonjën Vokshi dhe deputetët e tjerë në Grupin Parlamentar?
Në momentin që zoti Berisha kishte të drejtën e replikës, menjëherë ndërhyu zonja Nikolla që t’ja japë fjalën zotit Alibeaj dhe të nisë atë shkëndijën. I thamë zotit Alibeaj të priste 2 minuta, por ai qëndroi qëllimisht në foltore. Një person, heqim pjesën e moshës, por një person që të ka dhënë karrierë, të ka bërë deputet dhe ministër, vetëm për respekt duhet t’ja lejosh fjalën”, tha Këlliçi në “Kjo Javë”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
