Ambasadori i Bullgarisë në Tiranë, Momtchil Raytchevski ishte në një takim në Universitetin “Fan S. Noli” ku u zhvillua një vizitë me një delegacion të përbërë nga drejtues dhe pedagogë të universiteteve Bullgare.
Në një prononcim për mediat ambasadori Raytchevski tha se Bullgaria ka ofruar përkrahjen pa kushte për integrimin e Shqipërisë në BE, por se me Maqedoninë e Veriut janë në bisedime intensive.
-A e mbështesni integrimin në BE të Maqedonisë dhe Shqipërisë?
Presidenti Meta sapo mbylli vizitë zyrtare në Sofie ku presidenti Bullgar nënvizoi përkrahjen pa kushte të Bullgarisë për integrimin e Republikës së Shqipërisë, por me Maqedoninë e Veriut jemi në një periudhë të bisedimeve shumë intensive. Qeveria e re bullgare krijoi 10 grupe pune të cilët punojnë për një interes të përbashkët dhe ku shumë shpejt mund të arrijnë në rezultate konkrete.
Bullgaria ka qenë dhe do të mbetet një nga mbështetësit më aktivë të zgjerimit europian.
-Shqipëria do kërkojë ndarje nga Maqedonia e Veriut për negociatat, keni ju kushte për Shqipërinë?
Çfarë do të kërkojë Shqipëria ky është vendim i Republikës së Shqipërisë.
Unë nuk mund të komentoj sa i përket kushteve, përsëri them që Shqipëria ka bërë punën e vet.
-Në kushtet kur lufta vazhdon në Ukrainë, BE a duhet të bëjë më shumë për Ballkanin Perëndimor?
Unë mendoj që BE tashmë po bën shumë, mendoj më me rëndësi aktualisht është përqendrimi i të gjithëve në përfundimin e luftës.
