Përdoruesit e Whatsapp duhet të kenë kujdes! Ja mesazhi i rrezikshëm që po dërgohet në telefonat celularë

Të gjithë përdoruesit e WhatsApp janë paralajmëruar të kenë kujdes pasi në telefonat e tyre po vijnë, ose mund të vijnë mesazhe të rreme që synojnë të vjedhin të dhënat tuaja personale.

Sipas The Sun, mashtruesit po dërgojnë mesazhe në WhatsApp duke u prezantuar si “suporti” i aplikacionit për t’ju gënjyer që të jepni informacione me të dhëna personale.

Info po paralajmëron përdoruesit që të kenë kujdes nga “llogaritë mbështetëse” të rreme.

Këta mashtrues përdorin foto profili që duken zyrtare dhe të verifikuara si të Whatsapp.

Por ka një mënyrë të thjeshtë për të konfirmuar nëse llogaria është e vërtetë apo jo.

Suporti i vërtetë i WhatsApp në pronësi të Meta do të ketë shenjën e verifikimit me ngjyrë të gjelbër pranë emrit.

Kjo shenjë nuk është e disponueshme për mashtruesit.

Nëse një llogari si kjo në foton lart ju dërgon mesazhe, shpërfilleni atë dhe fshijeni menjëherë mesazhin.

Ata ka gjasa të kërkojnë kodin tuaj të verifikimit gjashtëshifror, i cili do t’u japë atyre akses në llogarinë tuaj.

PANORAMA