LIGJET E BIZNESIT
Në një intervistë me gazetaren Aurora Sulçe, ministrja e Turizmit dhe Mjedisit, Mirela Kumbaro u shpreh se objektivi i qeverisë në këtë mandat në lidhje me turizmin është rritja e standardeve për të afruar së shpejti në vend turistët elitarë, ose siç njihen ndryshe ata që shpenzojnë më shumë.
Gjithashtu, Kumbaro shpjegoi se po vijon nxitja e agroturizmit me qëllim që sezoni turistik të shtrihet përtej muajve të verës.
“Nuk besoj që të synojmë 10 milionë turistë është një objektiv. Ne kemi rritur numrin e turistëve përtej pritshmërive. Në vitin 2021 arritëm sërish në 5.6 milionë turistë, shifra sërish përtej pritshmërive duke parë që ishte një vit pandemik. Nga ana tjetër, ne kemi konstatuar që gjatë pikut kemi ofertë më të ulët për kapacitete. Kjo ndodh në Pogradec, bregdet apo dhe në Korçë gjatë dimrit. Po punojmë për rritjen e standardit dhe cilësisë së shërbimit. Në mandatin e dytë ne kemi propozuar, miratuar dhe vënë në dispozicion incentiva fiskale të rëndësishme për turizmin cilësor për të nxituar investimet në hotelet me 4 dhe 5 yje, duke i certifikuar ato me brende ndërkombëtare duke ofruar për këto investime zero taksa. Po nxisim agroturizmin, i cili diversifikon ofertën dhe shtrin sezonin përtej atij të plazhit”, tha Kumbaro.A2
