Nis mbledhja e grupit parlamentar të Partisë Demokratike.
Takimi po zhvillohet në selinë blu, ku po marrin pjesë të gjithë deputetët.
Ka rënë sërish në sy mungesa e Lulzim Bashës, i cili ka zgjedhur të mos jetë pjesë, pas dorëheqjes nga posti i kryetarit.
Nga ana tjetër, shkallët e selisë blu i ngjiti ish-kryeministri Sali Berisha, edhe pse nuk preferoi që të bënte asnjë koment për gazetarët.
Kryetari i grupit parlamentar të Partisë Demokratike, Enkelejd Alibeaj ka deklaruar në mbledhjen e grupit parlamentar se mbledhje e sotme u zhvillua pas kërkesës së deputetëve të tjerë.
Sipas tij, ajo që ka rëndësi është se duhet të përcaktohen qartë qëndrimet politike për seancën e të enjtes.
“Pas kërkesës se kolegeve u mbledh sot grupi. Se pari rendi i ditës se enjtes, aktet normative dhe çmimet e karburanteve
Duhet te përcaktojmë qëndrimin politik për te enjten. Nesër është konferenca e kryetareve. Mirë do ishte qe sipas komisioneve te përcaktojmë qëndrimet”, mësohet se është shprehur Alibeaj.
