Nga Shqipëria në Francë/ Goditet grupi i trafikut të dro gës me postë, 70 kg dr ogë në një muaj

Goditet një grup i trafikut të drogës me postë, ku të përfshirë janë po ashtu edhe shqiptarë.

Mediat e huaja shkruajnë se droga trafikohej nga Shqipëria në Spanjë dhe më pas, nëpërmjet postës përfundonte në Finlandë.

Mikko Minkkinen, kryeinspektor i policisë tha se mes janarit dhe shkurtit grupi kishte dërguar me postë afro 70 kilogramë marihuanë në Finlandë. Droga kishte një vlerë rreth 700 mijë euro.

Sakaq, policia deri më tani ka sekuestruar rreth 13 kilogramë lëndë narkotike kontrabandë.

Hetuesit u shprehën se një shqiptar i mori pakot me marihuanë nga posta duke përdorur identitet të rremë. Ky i dyshuar u mbajt në paraburgim pasi u kap nga policia në një apartament të marrë me qira nga një prej të dyshuarve kryesor.

Pasi droga ishte në Finlandë, të dyshuarit e paketuan lëndën narkotike në thasë të mbyllur me vakum në një objekt industrial në Nurmijärvi. Prej aty, çantat përfunduan në rrugët e Helsinkit, Vantaa dhe Kerava.

4 të dyshuarit kryesorë janë të lindur në vitet 1993, 1995, 1996 dhe 1997. 5 persona të tjerë dyshohen për vepra të rënda narkotike në lidhje me rastin.