Në kërkim për inceneratorët, ndalohet zyrtarja e lartë

Policia e Tiranës ka ndaluar ish-anëtaren e Komisionit për dhënien e koncesionit, Etleva Kondi.

Kondi, e cila më herët ka mbajtur edhe poste të tjera si drejtoreshë, ishte shpallur në kërkim pasi Struktura e Posaçme Anti Korrupsion ka dhënë masën e sigurisë “arrest në shtëpi” ndaj saj për çështjen e inceneratorëve.

Ajo u ndalua në Aeroportin e Rinasit teksa po kthehej nga Italia.  Kondi është marrë me procedurat për të 3 inceneratorët, atë të Tiranës, Fierit dhe të Elbasanit.

Ajo akuzohet për veprën penale “Shpërdorimi i detyrës”, kryer në bashkëpunim.