Komisioni për Edukimin dhe Mjetet e Informimit Publik është shoqëruar sot me debate të forta.
Kjo për shkak pasi ishte i pranishëm dhe Endri Fuga, i cili do të raportonte në lidhje me Agjensinë e Informimit dhe Medias.
Teksa deputetja Ina Zhupa kërkoi që pas çdo pyetje të merrte përgjigjen e Fugës, kolegu i saj socialist Petro Koçi i tha se ajo duhet të konsumonte të gjitha pyetjet që kishte menduar dhe më pas do të merrte përgjigje.
DEBATI I PLOTE
Zhupa: Ju jeni ministri i propagandës së qeverisë, që keni për detyrë të përcillni sa më mirë propagandën e qeverisë Rama. Kjo është agjensi me taksat e shqiptarëve
Nëse ERTV është kanali i tij personal, kalojmë nga ky stad që kujdesej me paratë e veta, ndërsa tani me paratë e taksapaguesve shqiptarë.
Drejtori i përgjithshëm emëron zëdhënëst e ministrive sipas VKM, pra ju emëroni zënëdhënsat e ministrive dhe janë në varësitë tuaja, pra nuk është në varësi të ministrit por tuajin.
I bie që ju të emëroni dhe komandoni edhe të ministrave të Vasilit, Ylli Manjanit dh ta rekomandoni ju me regji se cfarë do thonë ministrat.
Petro Koçi: Ju do bëni pyetjet tuaja, Fuga dhe kolegët mund të mbajnë shënim, kjo është seancë dëgjimore.
Zhupa: Nuk dua të bëj bashkëbisedim. Komisionet parlamentare zhvillojnë pyetje përgjigje, dhe unë se kam problem që ti bëj të 20 pyetje por unë do të reflektoj në pyetje të tjera që nuk janë të nevojshme. Ka ardhur për mua, e kam kërkuar.
Koçi: Mbaro pyetjet, sa ke 15-20. Procedo në një mënyrë që të sulmosh zotin Fuga. Komisioni funksionon . E kupton sa minuta po na merr kohë?
Zhupa: Ajazi keni qenë pjesë e një komisioni hetimor dhe ka proceduar në të njëjtën mënyrë, unë do ti bëj një e nga një.
Zhupa : Më lejoni të mbaroj pyetjet në emër të rregullores. Asgjë nuk ma ndalon se si të bëj pyetje dhe sa kohë do marrë. Mos harxhoni kohë kot. Unë do mbaroj pyetje.
Koci: Konsumoni pyetjet. Edhe njëherë s’po të pres fjalën.
Zhupa: Nuk i marr përgjigjet pasi të mbarojnë kolegët. Mos më mbyllni mikrofonin.
Koçi: A ka mundësi të veprojmë si zakonisht. Mos e acaro. Zoti Fuga do prisni sa të konsumojë Zhupa të gjitha pyetjet. Mos jepni asnjë përgjigje. Ju lutem konsumoni të gjitha pyetjet. Ti po na thua neve të presim, me përulje.
Zhupa: Faleminderit për të drejtën e fjalës që ma jep rregullorja, dhe jo për të dëgjuar monologun tim, atë të zotit Fuga. Zoti Ajazi qëndro në pozicionin tënd.
Nuk do i përgjigjeni pyetjes së parë?
Koçi: Po bëni një lojë pa kuptim, mos bëj opozitarizëm procedurial. Zoti Fuga duhet t’iu mbrojnë.
Zhupa: Cfarë sondazhesh keni bërë deri tani apo parashikoni, cila është metodologjia e këtyre sondazheve që bëhen me paratë e taksapaguesve shqiptarë?
