LIGJET E BIZNESIT
Ministrja e Shtetit për Marrëdhëniet me Parlamentin, Elisa Spiropali para delegatëve socialistë në Kongresin e PS, tha se Shqipëria e ka fituar luftën me kanabisin.
Sipas ministres Spiropali, vendi nuk është më në hartën e vendeve problematike. Për rrjedhojë, vijoi Spiropali, qeveria do të nisë punën për legalizimin e kanabisit, pasi 61% e qytetarëve shqiptarë u shprehën pro.
“Luftën me bimët narkotike e kemi fituar. Shqipëria ka dalë nga harta e vendeve problematike. 61% shqiptarë janë dakord që vendi të kontrollohu kultivimin e kanabisit për qëllime mjekësore. Një qasje e tillë do të dekurajojë ilegalitetin dhe kriminalitetin. Ne do e dëgjojmë zërin e tyre dhe do të hapim një front të ri pune dhe duke luftuar kriminalizimin e këtij fenomeni”, tha Spiropali.
Më tej, Spiropali u ndal edhe tek “Ballkani i Hapur”, nismë të cilën e konsideroi në interes të Shqipërisë.
“Nisma e Ballkanit të Hapur është në interes thelbësor të Shqipërisë dhe të gjithë shqiptarëve në rajon. I jep më shumë frymëmarrje lëvizjes së mallrave. Qarkullimi i mallrave në këtë treg ëhstë fragmentarizuar”, u shpreh ajo.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
