Lushnje/ 38-vjeçari zhduket prej disa ditësh, familjarët ngrenë alarmin

Një 38-vjeçar në Lushnje është shpallur i zhdukur nga familjarët e tij. Ka qenë motra e tij, shtetasja  me iniciale L.K ajo që ka denoncuar në polici zhdukjen e vëllait të saj A.M (i cili vuan nga probleme të shëndetit mendor). Mësohet se 38-vjeçari është larguar nga banesa që në datën 17 prill dhe nuk është kthyer më.

Njoftimi i policisë:

Në Komisariatin e Policisë Lushnjë ka bërë kallëzim shtetasja L. K., 36 vjeçe, banuese në Savër, Lushnjë, se vëllai i saj, shtetasi A. M., 38 vjeç (i cili vuan nga probleme të shëndetit mendor), është larguar nga banesa në datën 17.04.2022 dhe nuk është kthyer më. Po punohet për gjetjen e 38-vjeçarit.