Lefter Koka transferohet nga paraburgimi i Durrësit, sot merret në pyetje nga SPAK,

Lefter Koka, i cili pritet të merret në pyetje nga SPAK mbi inceneratorin e Fierit ka mbërritur në ambientet e burgut.

Ai sapo është transferuar nga paraburgimi i Durrësit për në burgun 313, ku rreth orës 10:00 do shoqërohet në ambientet e SPAK, ku do merret në pyetje lidhur me procedurën e dhënies me koncesion për inceneratorin e Fierit.

Dyshohet se Lefter Koka ka përfituar rreth 1,2 milionë euro ryshfet për ndërtimin e inceneratorit të Fierit. E njëjta skemë ashtu sikurse në Elbasan ku Koka akuzohet nga Spak se përfitoi rreth 3,7 milion euro, është kryer edhe në Fier.

Koka akuzohet edhe për falsifikim dokumentesh. Ai dhe deputeti i njohur socialist, Alqi Bllako, dyshohet se kanë falsifikuar dokumentin për llojin e tokës ku do të ndërtohej inceneratori i Fierit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern