“Kush je ti mo”, Gazment Bardhi përplaset me Eno Bozdon: S’ka nevojë Enkelejd Alibeaj ta njohësh ti!

Deputeti demokrat Gazment Bardhi u përplas me anëtarin e Komisionit të Rithemelimit, Eno Bozdon, pasi ai tha se Komisioni i Rithemelimit ka njohur Alibeajn si kryetar të Grupit Parlamentar, por kjo nuk i ka pëlqyer Bardhit.

Ky i fundit u shpreh se Alibeaj nuk ka nevojë që të njihet nga një anëtar i “Rithemelimit”.

Pjesë nga debati:

Bozdo: Enkelejd Alibeaj u njoh nga ne si kryetar Grupi…

Bardhi: Kush jeni ju?

Bozdo: Jemi ata që kanë votuar demokratët

Bardhi: Demokratët të kanë votuar ty? Kush je ti mo?

Bozdo: Demokratët kanë votuar në mënyrë absolute…

Bardhi: Çfarë nevoje ka Enkelejd Alibeaj ta njohësh si anëtar i Komisionit të Rithemelimit?

Bozdo: Do të ishte e sinqertë dorëheqja e Lulzim Bashës, nëse do të diskutonim në lidhje me njerëzit që përjashtoi Lulzim Basha.

Bardhi: Dëgjo këtu që të mos mbetesh i painformuar. Ka patur një takim mes Enkelejd Alibeajt dhe Flamur Nokës. Është rënë dakord që çdo person i përjashtuar apo i pezulluar nga Grupi Parlamentar i PD-së, pas përfshirë Sali Berishën, është i mirëpritur në Grupin Parlamentar të PD-së.