Kush është babai i dy fëmijëve që i dha fund jetës në makinë

Betim Kastrati është 38-vjeçari i cili u gjet i vdekur në aksin rrugor Lushnjë-Fier. Mësohet se 38-vjeçari ka qëlluar veten me armë zjarri duke gjetur vdekjen e menjëhershme në vendin e quajtur Kolonjë.

Së fundmi kanë dalë detaje të tjera në lidhje me viktimën, ku raportohet se ai ishte banues në qytetin e Durrësit dhe punonte në port. Së fundmi, viktima kishte shfaqur shenja të depresionit.

38-vjeçari ishte i martuar dhe kishte 2 fëmijë të mitur, teksa u gjet i pajetë në mjetin e tij tip Volvo, që ishte parkuar në mënyrë të rregullt anës rrugës.

Si fillim, ngjarja u hetua për ndonjë vrasje të mundshme, por sipas policisë, Kastrati kishte vrarë veten, në kushtet e depresionit.

Njoftimi i policisë:

Në aksin rrugor Fier-Lushnjë, në afërsi të rrethrrotullimit të Kolonjës, në një xhep rruge, brenda në automjetin tip “Volvo”, i parkuar në mënyrë të rregullt, është gjetur i pajetë shtetasi B.K, 38 vjeç, banues në Durrës.

Nga tërësia e veprimeve paraprake të kryera dhe provat e gjetura në vendngjarje dyshohet se shtetasi B. K., si pasojë e depresionit është vetëvrarë me armë zjarri pistoletë e cila u sekuestrua në cilësinë e provës materiale.

Grupi hetimor nën drejtimin e Prokurorisë vijon punën për zbardhjen dhe sqarimin e plotë të rrethanave të ngjarjes.