LIGJET E BIZNESIT
Tragjedi në zonën e Modenës në Itali, ku humbi jetën një grua 35-vjeçare pas një trajtimi estetik në gjoks. Ndërhyrja i është kryer nga një person në banesë, teksa ende nuk dihet nëse është i kualifikuar. Pas shfaqjes së simptomave, personi i cili kreu ndërhyrjen është larguar.
Ngjarja ka ndodhur në Maranello dhe karabinierët po hetojnë mbi rastin. Viktima, Samantha Migliore, në nëntor të vitit 2020 i mbijetoi një tentative vrasjeje nga ish i dashuri i saj, i cili e qëlloi atë në kokë.
Karabinierët kanë mbërritur menjëherë në shtëpinë e gruas pasi janë vënë në alarm nga familjarët e saj. Në momentin e ndërhyrjes në gjoks për qëllime estetike, në shtëpi ka qenë i pranishëm po ashtu edhe bashkëshorti aktual i gruas dhe të njohur të tjerë, të cilët kanë thirrur për ndihmë kur është shfaqur sëmundja.
Midis hipotezave të para të vdekjes së Samantës është një atak kardiak, por vetëm autopsia mund të sqarojë shkaqet. Për momentin nuk dihet as se çfarë lloji lënde i është injektuar asaj. Personeli shëndetësor u përpoq ta ringjallte për rreth një orë, por 35-vjeçarja ndërroi jetë menjëherë pasi mbërriti në spitalin në Baggiovara (Modena).
Personi i cili ka kryer shpimin e gjoksit në shtëpi, sipas asaj që ka mësuar një grua me kombësi të huaj, nuk dihet nëse është estetiste e kualifikuar apo jo. Ajo u largua nga shtëpia teksa të pranishmit po telefononin në 118.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
